بدأت حكايتى بحب مساعدة الناس ان حياتهم تكون افضل بس كنت مش عارف ليه دايما بحب الموضوعات والملفات الصعبة والشائكة واللى بتوجع الناس بعمق ودرست تقنيات ومهارات كتيير ولقيت نفسي بحب جدا المجال ده لحد ما فى يناير ٢٠١٥ عملت حادثة كبيرة جدا بعربيتى واتقلبت بى على طريق اسكندرية القاهرة الصحراوى ٧مرات لحد ما العربية اتغددت حرفيا وانا اتكسرت الترقوة الشمال عندى وضلعين فى القفص الصدرى وفقدت جزء من فروة راسي وكدمات كبيرة ومتفرقة فى ضهرى وامكان مختلفة فى جسمى وكانت مشكلتى الاكبر ان مكنتش قادر اركب عربيات او اسافر بعد الحادثة لحد ما اشتغلت على نفسي بالتقنيات والمهارات اللى عندى فى الكوتشينج وتحرير الصدمات واحترفتها وثقتى فى اللى عندى زادت لحد ما اتحررت تماما وسافرت وانطلقت واحترفت الفكرة وساعدت ناس كتيير من خلال الكورسات والجلسات من مصر وبلدان اخرى ان حياتهم تكون افضل الحمد لله وانهم يتحرروا من صدمات كبيرة فى حياتهم لما بنحب حاجة من قلبنا بنقدر نتغير للافضل ونساعد بوعى وحب