fbpx

Category Archives: المقالات

تعريف الكورس :-

كتير حركتنا فى الحياة بتكون فيها عنف ومقاومة واحيانا تمثيل اننا كويسين وفى العمق فى حرب وصراع داخلى
احيانا بيكون الخوف هو الدليل فى الطريق
واحيانا الناس بترسم لنا الطريق
واحيانا بنفكر ونقرر ونترااااااجع دايما
مصدقين حاجة وواقعنا حاجة تانية

واحيانا بنحلم ونقرر ومع اول خوف نرجع
واحيانا نتعلق بحد يكون جنبنا
واحيانا
واحيانا

احيانا نظرة واحدة بطريقة سلبية من حد قريب مننا تقلب حياتنا رأسا على عقب ونفضل نفكر ونحلل ونصارع ونعيش فى اضطراب

كتير احلامنا تدور حوالينا ونشوفها ونبذل جهد كبير لكن مش بتنزل واقعنا وتفضل تدور وبس

فين الخلل؟

ليه الحياة مش بسيطة
ليه الاهداف مش بنوصلها ببساطة
ايه العوائق اللى جوانا اللى منعانا من البساطة
ايه البرمجة اللى مؤمنين بها بعمق بتعاند البساطة
ازاى تتحرك وتنفعل وتحس ببساطة
ازاى تفهم وتعى ببساطة
ازاى تكون واعى بسيط
ازاى تفهم عمق ان كل شئ مسخر لك
ازاى تفهم عمق يريد الله بكم اليسر
ازاى تعرف فين الخوف جواك
ازاى تلمس وتمر من خلاله
وازاى تسمح له بالرحيل
البساطة هى قمة التعقيد
البساطة وعى عااالى
ازاى تكون بسيط رغم اضطراب من حولك
ازاى تكون بسيط وتتحول كل الطاقة السلبية حولك لطاقات ايجابية فى صالحك
ازاى تعبر الجسر المتهالك لتصل الى ذاتك

الكورس يحتاج وعى محترم
الكورس نقلة جديدة لحياتك
بساطة وعى واتزان

لما تكون بسيط مسترخى هادئ سيحملك كل شئ ويسبح بك الى بر الامان ببساطة🏖

خليك بسيط ❤

أماكن الكورس :-

👈الكورس 3 أيام….
الاسكندرية جليم flux سنتر امام فنون جميلة ديكور

القاهرة مصر الجديدة الميرغنى art of seeing سنتر

سعر الكورس :-

بقيمة 2000 جنيه
الحجز المبكر 1750 جنيه قبل يوم 12 مارس

تفاصيل الحجز :-

للحجز والاستعلام من خلال :

واتس اب 01128962246

رسائل صفحة الفيس بوك  https://www.facebook.com/Aymanfetehalifecoach

او عبر ايميل info@aymanfeteha.com

او من خلال الضغط هنا

الزوج المثالى والزوجة المثالية

هوس المثالية اللى عند البعض 
على فكرة 
الزوجة هى :
اللى ضحت وسهرت وشتمت وبذلت ونامت وقصرت وتعبت وطبطبت وحضنت واصابت واخطأت
والزوج هو 
اللى اشتغل وتعب وطبطب وزعق وغضب وساب البيت وخرج مع صحابه وفسح الاسرة ونشر الامان واكرم زوجته واختلف معاها

عااادى 
مفيش حد مثاالى ولا ام مثالية ولا اب مثالى ولا اخ مثالى ولا اخت مثالية ولا ابن مثالى ولا زوج مثالى ولا زوجة مثالية 
مفيش حد مثالى

الجميع بشر 
بشر يعنى يصيب ويخطئ 
يعنى مبسوط وزعلان 
يعنى كويس ومقصر 
يعنى الضدين موجودين

بلاش نحمل نفسنا ونحمّل الاخرين فوق طاقتهم 
كلنا فينا الحلو والسئ 
ودورنا نزكى انفسنا 
طيب لو فى حد مثالى ازاى يعنى حنزكى حاجة مثالية 
طبيعى طالما حنزكى يبقى فى خلل واخطاء وسلبيات 
يبقى جميل اننا نحترم الايجابي والسلبي اللى جوانا وجوه غيرنا 
ونشتغل على تطوير نفسنا درجة درجة 
مش معنى كده ان تستمر مع حد بحجة ان كل الناس عندها الايجابي والسلبي 
لاء طبعا 
فى سلبيات مناسبة لك يمكنك التعايش معاها 
وفى سلبيات لا يمكنك التعايش معاها تناسب غيرك ولكن لا تناسبك
متجبرش نفسك على حاجة 
بس اسأل وافهم وخد وقتك دايما 
عشان تكون متزن ومرتاح

محدش مثالى 
ومحدش ايجابي بس ولا سلبي بس 
كل انسان جواه تركيبة من الايجابي والسلبي 
والشاطر اللى شغال على نفسه ويرتقى بها بالتدريج

واحدة واحدة على نفسك عشان دى نفسك ⚘⚘

اكرموا الناس مش عشان هما مثاليين 
اكرموا الناس عشان هما بشر

يومكم طبيعى وجميل 💚

ارسلها لغيرك⚘⚘

ايمن فتيحه 
لايف كوتش فى العلاقات وتحرير الصدمات 🙂

للحجز والاستعلام داخل وخارج مصر عن :
الجلسات الهاتفية واللايف
الكورسات الصوتية واللايف 
برجاء التواصل عبر :
رسائل الصفحة📩
واتس اب 002/ 01017184452
وسيقوم فريق ادارة الصفحة بترتيب كافة التفاصيل 
اهلا بكم ⚘

احترس  علاقة مؤذية

لما تكون فى علاقة وطول الوقت بيتم انتقادك 😎
لما تكون فى علاقة وطول الوقت انت المتهم 
لما تكون فى علاقة وغير مسموح بتوضيح رايك📣 
لما تكون فى علاقة والحلو اللى بتعمله بيتفسر سلبي 😔
لما تفكر كتيييير قبل ما تقول اى حاجة عشان متتفهمش غلط 😖

لما تحس انك موجود فى العلاقة كخادم للاخرين 😲
لما تفكر فى الهروب من العلاقة طووول الوقت👣 
لما تحس انك مُجبر ومش عارف تتنفس 🤐
لما تعمل حاجات فى العلاقة وانت مش عاوزها معظم الوقت👊👊 
لما تلاقى اللى معاك دايما بيزعل ويتقمص ويلوى بوزه 🤔
لما تلاقى نفسك معظم الوقت بتمثل على الطرف الاخر 😿
…….. 
………

انت بتلعب دور الضحية وانت مش واخد بالك–انتبه

طيب اعمل ايه🤔🤔

الحل::

1-بطل دور الضحية ده 
2-اتعلم تقول لاء احيانا بطريقة كويسة 
3-ابدء تقول لاء مع الناس البعيدة فى حياتك ومع العلاقات السطحية لما يتطلب منك حاجة مش عاوز تعملها 
4-ادى نفسك فرصة تفكر قبل اى قرار مش كل لما حد يطلب منك حاجة تقرر على طول 
5-اسمح لنفسك بشوية ترفيه خروجة مطعم سينما صحاب لعب ملاهى اى حاجة مناسب وممتعة بالنسبة لك 
6-وسع دائرة معارفك وخليها متنوعة 
7-لو الموضوع كبير حتحتاج راى متخصص -اطلب المساعدة
8-اعمل حاجة بتحبها حتى لو بسيطة واستمر 
9-ابدء بالمتاح دلوقتى وكمل من فضلك

لو بدأت حتلاقى العلاقات المؤذية بدأت تتغير او تتساقط من واقعك بالتدريج

ابدء اتنفس من فضلك 🙂

صباحكم جديد💐💐

ايمن فتيحه
لايف كوتش فى العلاقات وتحرير الصدمات

ايوه كل شئ بمقابل

فى ناس بتدخل تسأل اسئلة على الخاص
وفى ناس بتزعل لمجرد انى بقول ان الامر بيحتاج جلسة او جلسات
وفى ناس بتظن ان وقت الانسان بلا مقابل
وفى ناس بتحترف الاتهامات والنقد وبس
وان الشخص اللى بياخد فلوس مقابل انه يفضى نفسه لحضرتك ساعة كاملة ده حد مادى ووحش والمفروض يكون for free عشان ينال مدحك وثناءك
وان الخبرة والوقت والجهد والعمق مجانى
وانك حصريا المفروض تكون متاح دايما وانك اتاخرت اوى فى الرد
وانك غالى على فكرة وبتاخد فلوس كتير ومهم تقدر الناس وتحس بيهم
لكن لما حضرتك بتروح تشترى اى حاجة بتدخل على المحل مثلا وتقوله هات دى ببلاش ولو صاحب المحل رفض يبقى غلط ومش بيحس بالناس والمفروض يبقى ببلاش ومجانى وحسبي الله ونعم الوكيل –براحة يا عزيزى راجع نفسك شوية
انا شخصيا من زمن طويل لا ارد على اى اسئلة على الخاص الا بشكل بسيط لانى لا اؤمن ان مشاكل الناس تحل من خلال الشات احتراما لنفسي ولعقولهم
ولا ارد على صفحتى الشخصية على الرسائل ولا الواتس اب الذى اعلن عنه فى صفحتى
فى فريق بيتعامل مع حضرتك وبيرتب لك الوقت المناسب لك وبيعرفك طريقة الحجز والدفع ازاى لو عاوز بكامل اختيارك
عشان من حقك انك تسال بشكل صح وتتلقى التطوير والوعى بحقه وبتدرج
لو على النصايح والوعى كل يوم انشر ذلك بقدر استطاعتى
مفيش حاجة فى الوجود بلا مقابل –النفس اللى بتتنفسه مش ببلاش بتطلع قصاده نفس اخر عشان تاخد غيره
بتاخد اكسجين وتعطى الوجود ثانى اكسيد الكربون
الشجر ينمو به والشجر ينمو بياخد شمس وماء واملاح من التربة ويطلعلك ثمار
تاكلها بمقابل وبتاخد منها طاقة تطلعها شغل وسعى وتظل رحلة الحياة هكذا
انا شخصيا لا اسعى للحصول على شئ مجانى
لا اقرا كتاب مجانى
ووجدت فرق كبير بين انى ادفع واحصل على المعلومة او احصل عليها بغير حقها
ومع ذلك اعطى فيديوهات ومقالات ووعى وندوات متاحة للجميع لنشر الخير ويعود على اضعاف ذلك من الافكار والوعى
لكن لكى تاخد من وقتى لشخصك ومشكلتك اتعلم تدفع مقابل لان وعيك ده احد اسباب استمرار مشاكلك
انك مش عاوز تعطى
عاوز تاخد وتتهم وبس–انتبه يا عزيزى
انت لك وقت وانا لى وقت وكل انسان له وقت يديره كيفما يشاء
لما حتتعلم قيمة ان عمرك على الارض لحظات وعندك موهبة بتطورها وناس بتساعدهم واسرة وبيت وشغل واثر بتتركه وكورسات بتعطيها وكورسات بتاخدها وعلاقات بتتواصل معها ورسالة عاوز تحققها بتطويرك واستكشافك لذاتك وبرمجة كل فترة تكتشف اسرارها و…………. ستدرك عمق ما اقول

مينفعش تروح تشترى عربية BMW وتقولهم طيب ما هو فى عربيات ب اسعار اقل وارخص
حضرتك ممكن تروح تشتريها
اختار ما يناسبك دايما
لكن اوى تتهم BMW انها اسعارها اوفر–لكن قول هى لا تناسبي الان
لما امكانياتك توصل للBMW حتلاقى سعرها مناسب وحتتبسط بها وحتظهر فى واقعك
احيانا ممكن يكون ظهورها انك تشوفها وممكن يكون ظهورها انا تركبها جنب واحد صحبك وومكن يكون ظهورها انك تحصل عليها ببساطة وممكن تحصل على اعلى منها وهكذا
لكن طول ما انت شايفها كتييير مش حتدخل واقعك وحيكون السبب انت
كل شئ متاح لا تضيع وقتك فى النقد والاتهامات
ولكن اختار دايما ما يناسبك
على فكرة انا مش زعلان خاالص
ولا بنتقدك
ولا بقسو عليك
ولا قلقان من نظرتك لى حتكون ازاى –انت حر تماما فى كل ذلك
ومن حقك تختار ان اكون فى واقعك او لا
ومن حقك متابعة منشوراتى او لا—وانا كذلك 🙂
كن انت
واسمح للاخرين ان يكونوا انفسهم

ستحصل على ما يناسبك فى الوقت المناسب متستعجلش
نقدك ورفضك وضجرك حيأخروك انتبه
اتطور بالمتاح واستمر
حتوصل للى بعده ولا توجد نهاية
احترم وقتك واستثمره
اصرف على وعيك ودماغك

على فكرة دى خاطرة جت فى دماغى حبيت اقولها لكم
من وقت طويل لا يدخل واقعى الا من يستحق
ومحدش قالى الكلام ده على الخاص ولا اتهمنى اصلا –لانى مركز ان الا اصدر اتهامات على احد ومركز انى اقبل الناس كما هو وبطور هذا الامر فى مراحل مختلفة
واى حد بيقولى جلساتك سعرها غالى بدعيله بالتيسير وان ربنا يطمن قلبه و بقوله ربنا يوسع عليك وممكن تتفرج على فيديوهاتى وتسجيلاتى الصوتية وتقرأ مقالاتى على صفحتى حتلاقى فيها معلومات كتيير تفيدك ان شاء الله –لكن وقتى انا بحترمه وبرتبه بطريقة تناسبنى وامنح بعضه لمن استطيع ان اساعده بحق
وفى ناس بعتذر عن اجراء جلسات لهم على الرغم من قدراتهم المادية لذلك لكن لا يطبقون
انا اكمل اذا كان هناك نفع حقيقى واستعداد لذلك

لى دماغ خاصة بى يعرفها بشكل نسبي المقربون لى

خليك بسيط وسهل واختار ما يناسبك
الوفرة فى كل شئ
اطمن

ايمن فتيحه
لايف كوتش فى العلاقات وتحرير الصدمات🙂

4/4